En febreiro de 1996, a Asociación Ourensá de Esclerose MÚltiple, empezou a funcionar como Asociación de Ámbito Provincial independente, aínda que adherida á AEDEM (Asociación Española de Esclerose Multiple) desde o ano 1980 e neste tempo produciuse, non só un incrementO das persoas que forman parte da nosa asociación senón tamén unha mellora nas infraestruturas e unha ampliación de servizos e actividades.
A "AODEM", pertence como membro fundador asociado á Federación Provincial de Asociacións de Discapacitados Físicos de Ourense Discafis-Cogami, á cal desde o ano 2004 ofrécenselle os profesionais que formamos a "AODEM" para aqueles casos que se nos solicita e que a citada asociación carece deles.
Así mesmo a "AODEM" tamén acolle afectados de Esclerose Lateral Amiotrófica, Parkinson e outras enfermidades neurolóxicas, crónicas e dexenerativas, todas posúen en común carecer de Asociación de enfermos propia na nosa provincia.
"AODEM", despois de moitos esforzos e contando co traballo dos seus recursos humanos conseguiu posuír un equipo multidisciplinar de profesionais permitindo realizar unha intervención "biopsicosocial" aos afectados que forman esta asociación.
Os resultados obtidos até a data en tódolos programas que desenvolvemos dirixiron os nosos esforzos ao seu mantemento ofrecendo gratuitamente os nosos servizos a aquelas persoas que ven sorprendidas na vida por unha enfermidade, como das que atendemos, sendo coñecedores de que os Recursos Públicos Sanitarios non cobren as necesidades de afectados por estas enfermidades e familiares, salvo a intervención medica hospitalaria e neste caso contamos con eles entre os nosos recursos humáns - asesores médicos - posuíndo unha relación que ao noso xuízo poderiamos cualificar de extraordinaria.